عدو إسرائيل الجديد.......!!!!

يندر في زماننا اللي احنا فيه دلوقتي وجود الرجال
عشان كده لما بتلاقيهم
بيبقو رجاله على حق
وياسلام لو كان مع رجولتهم دي حب الناس
يبقى انت اكيد اكيد بتتكلم عن محمد محمد محمد أبو تريكه
-------------
محمد ابو تريكه ولد في محافظة الجيزة
في قرية اسمها ناهيه
انا هنا مش هناقش حياته او طفولته
بس لازم اقول ان الراجل ده رغم شهرته اللي وصل ليها
ورغم المكان اللي هو فيه الا انه لازال يفتخر انه من ناهيه
وانه كان شغال مع والده
في مصنع الطوب
--------------
لما تلاقي راجل بالمواصفات دي
وبفطرة الشعب المصري النظيفة
يبقى لااااازم الراجل ده هيبقى معشوق الجماهير
---------------
كلنا تابع اللي تريكه عمله في مباراة السودان
ورفعه لفانلة مكتوب عليها(تضامنا مع غزة)
وازاي ان الاتحاد الافريقي كان بيفكر يعاقبه
رغم ان فيه لاعب غاني قل كده رفع علم اسرائيل
وان كاكا لاعب البرازيل دائما يكتب على فانلته الداخليه
انا انتمي للمسيح
ومحدش كلمهم
تريكه قال ميهمنيش الايقاف اهم حاجه اني وصل رساله
--------------------
فعلا الرساله وصلت وكل العرب افتخرو بيه
لدرجه ان واحد سوداني كان بيقول
موش عارف ازعل اننا خسرنا ولا افرح لان ابو تريكه جاب فينا جون
ورفع الفانله
وصلت الرساله يا ابو تريكه لداخل الكيان الصهيوني نفسه
لدرجه وصف احد الصحف الاسرائيلية له
بانه عدو اسرائيل الجديد
بالفعل الرساله وصلت
الرساله وصلت ان كرة القدم مش مجرد لعبه
كرة القدم ممكن تعمل اكتر بكتير من السياسه
------------------
تحياتي